చివరిగా నవీకరించబడింది:
Chandrababu: చంద్రబాబుకు మధ్యంతర బెయిల్ పిటిషన్పై ఏపీ హైకోర్టులో వాదనలు కొనసాగుతున్నాయి. మొదట వాదనలు విన్న న్యాయస్థానం కేసు సుప్రీంకోర్టులో పెండింగ్ లో ఉన్నందున దీనిపై విచారణ చేయలేమంది. అయితే బాబు ఆరోగ్య పరిస్తితి పరిగణలోకి తీసుకొని 2వారాల బెయిల్ మంజూరు చేయాలని న్యాయవాది లూథ్రా వాదించడంతో కోర్టు తీర్పును మధ్యాహ్నానికి వాయిదా వేసింది.
స్కిల్ స్కాం కేసులో అరెస్టైన టీడీపీ అధ్యక్షుడు చంద్రబాబుకు హైకోర్టులో వాదనలు కొనసాగుతున్నాయి. మధ్యంతర బెయిల్ మంజూరు చేయాలని వేసిన పిటిషన్ను ఆంధ్రప్రదేశ్ ఉన్నత న్యాయస్థానం ,తోసిపుచ్చింది. చంద్రబాబు(Chandrababu) బెయిల్ పిటిషన్ సుప్రీం కోర్టులో పెండింగ్లో ఉన్నందున దీనిపై విచారణ జరపలేమని ఏపీ హైకోర్టు (AP HIGH COURT)స్పష్టం చేసింది. దీనిపై చంద్రబాబు తరపు న్యాయవాదులు లుథ్రా చంద్రబాబు ఆరోగ్య పరిస్థితితో పాటు వైద్యుల సిఫార్సు చేసిన అంశాలను కోర్టుకు దృష్టికి తీసుకెళ్లారు. చంద్రబాబుకు రెండు వారాల మధ్యంతర బెయిల్ మంజూరు చేయాలని కోరారు. లూథ్రా వాదనలు విన్న న్యాయ స్థానం విచారణను మధ్యాహ్నానికి వాయిదా వేసింది. చంద్రబాబు బెయిల్పై మళ్లీ మధ్యాహ్నం వాదనలు కొనసాగనున్నాయి.
బెయిల్ వచ్చేనా..!
టీడీపీ అధ్యక్షుడు చంద్రబాబునాయుడు అరెస్టై 42రోజులుగా రాజమండ్రి సెంట్రల్ జైలులో రిమాండ్లో ఉన్నారు. స్కిల్ స్కాం కేసులో ఆయనకు బెయిల్ మంజూరు కోసం ఇప్పటికే ఆయన తరపు న్యాయవాదులు ఏపీ హైకోర్టు, ఏసీబీ కోర్టు, సుప్రీం కోర్టులో బెయిల్ పిటిషన్లు దాఖలు చేసినప్పటికి బెయిల్ మంజూరు కాలేదు. తాజాగా చంద్రబాబు ఆరోగ్య పరిస్థితిని దృష్టిలో ఉంచుకొని ఆయనకు రెండు వారాల మధ్యంతర బెయిల్ మంజూరు చేయలాని లాయర్ లుథ్రా ఏపీ కోర్టులో వాదనలు వినిపించారు.చంద్రబాబుకు మధ్యంతర బెయిల్ పిటిషన్పై ఏపీ హైకోర్టులో వాదనలు కొనసాగుతున్నాయి. మొదట వాదనలు విన్న న్యాయస్థానం కేసు సుప్రీంకోర్టులో పెండింగ్ లో ఉన్నందున దీనిపై విచారణ చేయలేమంది.
మళ్లీ మధ్యాహ్నం వాదనలు..
చంద్రబాబు ఆరోగ్యం బాగోలేదని మెడికల్ గ్రౌండ్స ఫైల్ చేసిన ఆయన తరపు న్యాయవాదులు… 2వారాల బెయిల్ మంజూరు చేయాలని కోరడం జరిగింది. దీనిపై కోర్టు తీర్పును మధ్యాహ్నానికి వాయిదా వేసింది. లంచ్ బ్రేక్ తర్వాత విచారణ చేపడతామని న్యాయమూర్తి. తెలిపారు. చంద్రబాబుకు మధ్యంతర బెయిల్ పిటిషన్పై తిరిగి 2:15 విచారణ మొదలవుతుంది.
ఆంధ్రప్రదేశ్లోని ముఖ్యమైన వార్తలు, లేటెస్ట్ న్యూస్, స్థానిక వార్తలు, ప్రభుత్వ పథకాలు, ప్రభుత్వ ప్రకటనలు, అన్ని రాజకీయ పార్టీలకు సంబంధించిన స్టోరీలను న్యూస్18 తెలుగు ఆంధ్రప్రదేశ్ కేటగిరీలో చదవండి. మరిన్ని వార్తల కోసం న్యూస్ 18 తెలుగు ఫాలో అవండి.
విజయవాడ, కృష్ణ, ఆంధ్రప్రదేశ్
అక్టోబర్ 19, 2023 12:40 PM
