AP Assembly: అసెంబ్లీలో మీసం తిప్పిన బాలయ్య..దమ్ముంటే చూసుకుందాం రా అన్న అంబటి ..సభ వాయిదా

ఏపీ అసెంబ్లీ (Assembly)సమావేశాల్లో తొలిరోజు మొదలైన కొద్దిసేపటికో గందర గోళం నెలకొంది. సభలో చంద్రబాబు అరెస్ట్‌పై వాయిదా తీర్మానానికి టీడీపీ పట్టుబట్టింది. స్కిల్ స్కాం కేసుపై అధికార వైసీపీ (YCP)ఎమ్మెల్యేలు, ప్రతిపక్ష టీడీపీ (TDP)సభ్యులు పోటాపోటీగా నినాదాలు చేసుకున్నారు. స్పీకర్‌ పోడియం వద్దకు టీడీపీ సభ్యులు చేరుకున్నారు. టీడీపీ ఎమ్మెల్యేలతో కలిసి వైసీపీ ఎమ్మెల్యే ఉండవల్లి శ్రీదేవి పోడియం ఎక్కి ఆందోళన చేయడంతో సభలో ఉద్రిక్త వాతావరణం నెలకొంది. అదే సమయంలో టీడీపీ ఎమ్మెల్యే బాలకృష్ణ మీసం తిప్పడంతో మంత్రి అంబటి రాంబాబు కౌంటర్ ఇచ్చారు. దమ్ముంటే రా అంటూ సవాల్ విసిరారు. మీసాలు తిప్పడాలు సినిమాల్లో చూపించుకోవాలంటూ బాలకృష్ణకు అంబటి చురకలంటించారు. రెండు పార్టీ ఎమ్మెల్యేల గందరగోళం మధ్య సభను కాసేపు వాయిదా వేశారు స్పీకర్.