కాకినాడలో అద్భుతమైన బెల్లం వంటకం.. తింటే మతి పోవాల్సిందే..!Kakinada Bellam Jaggery Sweets Healthy Example

అందరూ షుగర్‌ భయంతో పంచదారతో చేసిన స్వీట్లు తినడాన్ని తగ్గిస్తుంటే, ఈ జిల్లా ప్రజలు మాత్రం బెల్లంతో తయారైన ప్రత్యేకమైన స్వీటుతో తమ భోజనాన్ని ముగిస్తారు. ఇది వారి ఆరోగ్యాన్ని బాగానే కాపాడుతుంది, అదే సమయంలో రుచి కోనసాగేలా చేస్తుంది. ప్రత్యేకంగా చెప్పాలంటే బెల్లం జీడిలు అనే స్వీట్‌కి ఇక్కడి ప్రజల్లో అమితమైన క్రేజ్‌ ఉంది.

ఈ బెల్లం జీడిలు సాధారణంగా కాకినాడ – సామర్లకోట రహదారిలో దొరుకుతాయి. అక్కడ ప్రత్యేకంగా సిద్ధం చేయబడుతున్న ఈ జీడిలు అంత మెత్తగా ఉంటాయి అన్నది వినగానే ఆశ్చర్యం కలిగిస్తుంది. పెద్దవాళ్లైనా, పిల్లలైనా ఎటువంటి ఇబ్బంది లేకుండా తినగలిగేలా ఈ స్వీట్లు తయారు చేయబడతాయి. పళ్ళు లేని వృద్ధులు కూడా తినగలుగుతారంటే, వాటి మెత్తదనం అర్థమవుతుంది.

ఇక్కడి బెల్లం జీడిల ప్రత్యేకత ఏమిటంటే, అవి పూర్తిగా బెల్లంతో తయారు చేయబడటం మాత్రమే కాదు… అసలు తయారీ ప్రక్రియే ఒక అనుభూతి. మన కళ్ళముందే వాటిని తయ్యారు చేస్తూ, సాగదీస్తూ, తరిగి ప్యాక్ చేస్తూ ఉండటం చూసినవారికి ఒక ప్రత్యేకమైన అనుభూతి కలుగుతుంది.

పెరిగిపోతున్న మధుమేహ సమస్యల మధ్య ఆరోగ్యానికి హాని కలిగించకుండా, ఓ మంచి అలవాటుగా నిలుస్తున్న ఈ బెల్లం జీడిలు.. స్థానికులకే కాదు, ఈ జిల్లాకు వచ్చే ప్రతి పర్యాటకుడికి ప్రత్యేక ఆకర్షణగా మారాయి. మీకు కూడా భోజనం తర్వాత ఓ హెల్ధీ స్వీట్ తినాలనే ఆసక్తి ఉంటే… కాకినాడ సామర్లకోట హైవే వైపు ఓ సారి తిరిగి చూడండి. అక్కడ దొరికే అసలైన బెల్లం జీడిల రుచి మీ మధుర జ్ఞాపకాలలో నిలిచిపోతుంది.