జగన్ వ్యాఖ్యలపై.. పవన్ కళ్యాణ్ సీరియస్.. రఫా రఫా ఏంటి అంటూ ఫైర్..! Pawan Kalyan Warns of Stern Action Against Jagan Comments.

ఈనెల 19వ తేదీన జరిగిన ఒక సమావేశంలో మాజీ ముఖ్యమంత్రి జగన్మోహన్ రెడ్డి మాట్లాడిన మాటలు ప్రస్తుతం ఏపీ, తెలంగాణలో చర్చనీయాంశంగా మారాయి. గంగమ్మ జాతరలో పొట్టేలుని నరికినట్లు రఫా రఫా కోస్తా.. అన్న విధంగా జగన్ మోహన్ రెడ్డి మాట్లాడిన మాటలు దుమారం లేపుతున్నాయి. మాజీ ముఖ్యమంత్రి స్థాయి వ్యక్తి ఈ విధంగా మాట్లాడొచ్చా? అంటూ పలువురు జగన్మోహన్ రెడ్డిపై నిప్పులు చెరుగుతున్నారు.

అయితే జగన్ నిన్న సమావేశంలో ఒక కార్యక్రమంలో కూటమి పార్టీ అభిమాని ఆ విధంగా ప్లకార్డు ప్రదర్శించారని జగన్ ముందు కొంతమంది తెలియజేయడం, అదే విషయాన్ని కాస్త సాగదీస్తూ జగన్ మాట్లాడటం ప్రస్తుతం హాట్ టాపిక్ గా మారింది. అయితే ఈ విషయంపై ముఖ్యమంత్రి కూడా స్పందించారు. జగన్మోహన్ రెడ్డిపై అసహనం వ్యక్తం చేశారు. తాజాగా పవన్ కల్యాణ్ ప్రత్యేక లేఖ రిలీజ్ చేశారు. రఫా రఫా వ్యాఖ్యలు సరైనవి కాదని మండిపడ్డారు. చట్టాన్ని ఉల్లంఘించి మాట్లాడే నేతల పట్ల అప్రమత్తంగా ఉండాలంటూ పవన్ కల్యాణ్ పేర్కొన్నారు.

సినిమా డైలాగులు సినిమా వరకే బాగుంటాయని వాటిని ప్రజాస్వామ్య దేశంలో ఆచరణలో పెట్టడం సాధ్యపడదు అంటూ పేర్కొన్నారు. ప్రజల్లో భయానికి గురి చేసే వ్యాఖ్యలు చేస్తే కఠిన చర్యలు తీసుకుంటాం అంటూ పవన్ కల్యాణ్ హెచ్చరించారు. దీంతో వైసీపీ మరియు కూటమికి సంబంధించిన సోషల్ మీడియాలో ప్రస్తుతం ఈ అంశాలపై ఒకరిపై ఒకరు పోస్టులు పెడుతున్నారు.