గీతాంజలిది ఆత్మహత్య కాదు.. సంచలనం రేపుతున్న టీడీపీ బయటపెట్టిన వీడియో| geetanjali falling under train at tenali railway station tdp releases video and post by nara lokesh

సోషల్ మీడియా(Social Media)లో రాజకీయ పార్టీలకు చెందిన ఫాలోవర్స్ చేస్తున్న రచ్చ అంతా ఇంతా కాదు. ఇప్పటి వరకు పార్టీలపై, ఆ పార్టీకి చెందిన నాయకులపై ట్రోల్స్ చేసే విష సంస్కృతి మరింత పెరిగింది. చివరకు అభం శుభం తెలియని తెనాలికి చెందిన మహిళ గీతాంజలి (Geetanjali)మరణానికి కారణమైంది. అయితే ఇదంతా టీడీపీ(TDP), జనసేన (Janasena)కార్యకర్తల కారణమని వైసీపీ ఆరోపిస్తుంటే ..టీడీపీ సంచలన విషయాల్ని బయటపెట్టింది. గీతాంజలి చావుకు కారణం ఆత్మహత్యో లేక ..ట్రోల్స్ కావని …ఆమెను ఎవరో ఇద్దరు వ్యక్తులు రైలు కిందకు నెట్టేయడం వల్లే చనిపోయిందనే నగ్న సత్యాన్ని బయటపెట్టింది. దీనికి సంబంధించిన ఓ వీడియోని కూడా టీడీపీ షేర్ చేసింది. ఇప్పుడు ఈ వీడియో(Video)ని బయటపెట్టడంతో పాటు నారా లోకేష్ కామెంట్ పోస్ట్ చేశారు. ప్రతీ ఎన్నికలకు ముందు నరబలి జరగాల్సిందే అంటూ కామెంట్ పెట్టారు.సైకో జగన్ (Jagan)పార్టీ వైసీపీ పుట్టిందే తండ్రి శవం దగ్గర లోకేశ్ విమర్శించారు. బాబాయ్ బలితో 2019లో ఓట్లు దండుకుందని ఇప్పుడు ఎందుకోసం గీతాంజలిని బలి తీసుకుందో? అని సందేహం వెలిబుచ్చారు. టీడీపీ విడుదల చేసిన వీడియో ఇప్పుడు నెట్టింట్లో చక్కర్లు కొడుతోంది. అయితే ఓవైపు ఏపీ ప్రభుత్వం తరపున మృతురాలి కుటుంబ సభ్యులకు 20లక్షల పరిహారం అందజేశారు మంత్రి విడదల రజనీ. కేవలం టీడీపీ, జనసేన పోస్టులే ఆమె ప్రాణాల్ని బలిగొన్నాయని మరోసారి ఆరోపించారు. గీతాంజలి ఫ్యామిలీకి ప్రభుత్వం, వైసీపీ అండగా ఉంటుందన్నారు.ఆత్మహత్యా లేక ప్రమాదమా..తెనాలికి చెందిన గీతాంజలి అనే ఇద్దరు పిల్లల తల్లి మరణం ..ఇప్పుడు ఆంధ్ర రాష్ట్రంలో రాజకీయంగా దుమారం రేపుతోంది. అధికార వైసీపీ, ప్రతిపక్ష టీడీపీ ఈ మహిళ చావుకు కారణం మీరంటే కాదు మీ ట్రోల్స్ వల్లే అమాయకురాలైన మహిళ చనిపోయిందని నిందను ఒకరిపై మరొకరు మోపుకునే ప్రయత్నం చేస్తున్నారు. మృతురాలు గీతాంజలికి జగనన్న ఇంటి స్తలం రావడం..ఆ పత్రం తీసుకున్న సందర్భంగా ఆమె చేసిన వ్యాఖ్యలతో ఈ రాజకీయ హింసాత్మక క్రీడ మొదలైంది. అయితే ఆరోజు మృతురాలు మరోసారి జగనన్నను గెలిపించుకోవాలని చెప్పడంతో పాటు ఇంగ్లీష్ లో మాట్లాడటంతో ఆమెను విమర్శిస్తూ సోషల్ మీడియాలో ట్రోల్స్ మొదలయ్యాయి. దీనిపైనే ఆమె భర్త, కుటుంబ సభ్యులు ఆమెను వారించినట్లుగా తెలుస్తోంది.