ఓవైపు ఉక్కపోత… మరోవైపు వర్షాలతో ఆంధ్రప్రదేశ్, తెలంగాణలో వింత వాతావరణం | Strange weather in Andhra Pradesh and Telangana

ఈ ప్రభావం రెండు రాష్ట్రాలలో అన్నిచోట్ల ఉంది. ప్రస్తుతం మూడు రోజులపాటు ఇదే పరిస్థితి కంటిన్యూ అవుతుందని విశాఖ తుఫాన్ హెచ్చరికల కేంద్రం, విశాఖ వాతావరణ కేంద్రం అధికారి, మెటరాలజిస్టు, సైంటిస్ట్ జగన్నాథ్ కుమార్ తెలిపారు. ఆంధ్రప్రదేశ్, యానంలో దిగువ ట్రోపో ఆవరణంలో నైరుతి, పశ్చిమ దిశగా గాలులు వీస్తున్నాయి. వీటి ఫలితంగా రాష్ట్రంలో రాగల మూడు రోజుల వరకు వాతావరణ సూచనలు ఇలా ఉన్నాయి. ఆంధ్రప్రదేశ్‌లోని ఉత్తర కోస్తాలో శని, ఆదివారాలలో తేలికపాటి నుండి ఒక మోస్తరు వర్షాలు, ఉరుములతో కూడిన జల్లులు ఒకటి లేదా రెండు చోట్ల కురిసే అవకాశముంది.

ఉరుములతో కూడిన మెరుపులు, బలమైన గాలులు గంటకు 40-50 కి.మీ. వేగంతో వీచే అవకాశం ఉంది. వేడి, తేమ అసౌకర్యమైన వాతావరణం ఏర్పడే అవకాశముంది. సోమవారం తేలికపాటి నుండి ఒక మోస్తరు వర్షాలు ఉరుములతో కూడిన జల్లులు ఒకటి లేదా రెండు చోట్ల కురిసే అవకాశముంది. ఉరుములతో కూడిన మెరుపులు, బలమైన గాలులు గంటకు 40-50 కి.మీ. వేగంతో వీచే అవకాశం ఉంది. అటు దక్షిణ కోస్తాలో శని, ఆదివారాలలో తేలికపాటి నుండి ఒక మోస్తరు వర్షాలు ఒకటి లేదా రెండు చోట్ల కురిసే అవకాశముంది.

బలమైన గాలులు గంటకు 40-50 కి.మీ. వేగంతో వీచే అవకాశం ఉంది. వేడి, తేమ అసౌకర్యమైన వాతావరణం ఏర్పడే అవకాశముంది. సోమవారం తేలికపాటి నుండి ఒక మోస్తరు వర్షాలు ఒకటి లేదా రెండు చోట్ల కురిసే అవకాశముంది. బలమైన గాలులు గంటకు 40-50 కి.మీ. వేగంతో వీచే అవకాశం ఉంది. రాయలసీమలో తేలికపాటి నుండి ఒక మోస్తరు వర్షాలు ఒకటి లేదా రెండు చోట్ల కురిసే అవకాశముంది. బలమైన గాలులు గంటకు 40-50 కి.మీ. వేగంతో వీచే అవకాశం ఉంది. వేడి, తేమ అసౌకర్యమైన వాతావరణం ఏర్పడే అవకాశముంది. తేలికపాటి నుండి ఒక మోస్తరు వర్షాలు ఒకటి, రెండు చోట్ల కురిసే అవకాశముంది. బలమైన గాలులు గంటకు 40-50 కి.మీ. వేగంతో వీచే అవకాశం ఉంది.