Scrap Art Video: ఆటోమొబైల్ స్పేర్ పార్ట్స్‌తో అందమైన కళాకృతులు… ఓ యువకుడి టాలెంట్

రాజుల కాలం నుంచి నేటి వరకూ విగ్రహాల కు ఉన్న ప్రాముఖ్యత గురించి ప్రత్యేకంగా చెప్పనవసరం లేదు. ఒక్క విగ్రహాలు అనే కాదండోయ్ రకరకాల కళాకృతులతో పాటు ఉద్యాన వనాలలో ఏర్పాటు చేసే ప్రతిమలకు సైతం అప్పటి నుండి ఇప్పటి వరకు డిమాండ్ తగ్గక పోగా రోజు రోజుకు పెరిగి పోతూనే ఉంది. వీటితో పాటు వివిధ దేశాలలో ప్రముఖుల విగ్రహాలతో పాటు అక్కడి రాజకీయ నాయకుల విగ్రహాలు సైతం ఏర్పాటు చేయడం మనం చూస్తూనే ఉన్నాం.

ఫైన్ ఆర్ట్స్‌లో మాస్టర్స్ పట్టా పొందిన రవిచంద్ర తమ కుటుంబం తరతరాలుగా వారసత్వంగా నిర్వహిస్తున్న విగ్రహాల తయారీ వ్యాపార పగ్గాలు చేపట్టాడు. ఐతే తన వ్యాపారాన్ని విజయవంతంగా కొనసాగిస్తూనే ఏదైనా ప్రత్యేక మైన రీతిలో కొత్తదనాన్ని పరిచయం చేయాలనే ఉద్దేశ్యంతో స్క్రాబ్ ఐరన్‌తో కళాఖండాలు తయారు చేయడం మొదలు పెట్టామంటున్నాడు.

Seed Balls in Vizag: బంతి విసిరితే చెట్టవుతుంది… విశాఖలో సీడ్ బాల్స్… పచ్చదనం కోసం రిటైర్డ్ అధికారి కృషి

రవిచంద్ర మొదట్లో కొంత నిరుత్సాహపరిచినా ప్రస్తుతం తాము తయారు చేసే బొమ్మలకు విపరీతమైన డిమాండ్ నెలకొంది అని రవిచంద్ర తెలియజేశారు. బెంగుళూరు ముంబై వంటి మహానగరాలలో తాము తయారు చేసే స్క్రాప్ ఐరన్ విగ్రహాలకు మంచి డిమాండ్ ఉందని రవిచంద్ర తెలియజేస్తున్నారు.