మహిళలు ఈ యోగాసనాలు వేస్తే పీరియడ్స్ ఇబ్బందులు రావు! | These Yoga Asanas Can Help Women Relieve Period Problems Naturally

ఫలితంగా నెలకోసారి రావాల్సిన పీరియడ్స్​.. రెండు లేదా మూడు వారాలకోసారి వస్తుంటాయి. మరి కొందరిలో మాత్రం ఒకే నెలలో రెండుసార్లు పీరియడ్స్​ రావడం సహజమే కానీ, కొంతమందిలో మాత్రం ఇర్రెగ్యులర్​ పీరియడ్స్​ పలు అసాధారణ సమస్యలకూ కారణం కావచ్చని చెబుతున్నారు నిపుణులు. అందుకే వ్యక్తిగతంగా కనిపించే లక్షణాల్ని బట్టి వైద్యుల సహాయం తప్పనిసరిగా తీసుకోవాలని సూచిస్తున్నారు. అయితే పీరియడ్స్ సమయంలో మహిళలు ఎన్నో ఇబ్బందులు ఎదుర్కొంటుంటారు అలాంటి వారికి ప్రతిరోజు యోగ ఆసనాలు చేయడం వల్ల చాలావరకు సమస్యలు తగ్గిపోవడమే కాకుండా రెగ్యులర్గా పీరియడ్స్ వస్తాయి అంటున్నారు కర్నూలు జిల్లా ప్రముఖ యోగ శిక్షకులు ముంతాజ్ బేగం.

మహిళలు ప్రతిరోజు తమకు సమయం దొరికినప్పుడల్లా రోజుకు 20 నిమిషాల పాటు యోగ ఆసనాలు వేస్తే ఇర్రెగ్యులర్ గా వచ్చే పీరియడ్స్ సమస్యను అదిగమించొచ్చు అంటున్నారు. అందులో మొదటి ఆసనం బోట్ రైడింగ్. ఇందులో మనం కూర్చుని రెండు కాళ్ళను సమానంగా ముందుకు చాచి పాదాలను కాస్త వెనక్కు అని నీళ్లలో బోట్ ను ఎలాగా నడుపుతారో అలా 10 సార్లు కుడి ఎడమ వైపు చేయాలి, అ తరువాత దండాసనంలో కొచ్చి 10 లెక్కపెట్టుకుని మెల్లిగా శ్వాసను పీలుస్తూ వదులుతూ ఉండాలి.

ఇక రెండవది చక్కి చలనాసనం ఇందులో రెండు కాళ్లను రెండు వైపులా చాచి శరీరాన్ని అటు ఇటు తిప్పుతూ 10 సార్లు చేయాలి, ఆ తరువాత దండాసనంలో కొచ్చి 10 లెక్కపెట్టుకుని మెల్లిగా శ్వాసను పీలుస్తూ వదులుతూ ఉండాలి. ఇక మూడవది బటర్ఫ్లై ఆసనం ఇందులో కూర్చుని రెండు కాళ్లను దగ్గరగా అనుకుని బటర్ఫ్లై రెక్కల లాగా కాళ్ళను ఊపుతూ ఉండాలి. ఇలా మూడు ఆసనాలు చేస్తే ఎలాంటి సమస్యలు రావంటున్నారు యోగా శిక్షకురాలు ముంతాజ్ బేగం.