చివరిగా నవీకరించబడింది:
హైదరాబాద్ క్రికెట్ అసోసియేషన్ కరీంనగర్లో అండర్ 19 ప్లేయర్స్ కోసం సెలెక్షన్స్ నిర్వహించి, 300 మందిలో 90 మందిని ఎంపిక చేసింది.
మట్టిలో మాణిక్యాలను వెలికి తీసేందుకు హైదరాబాద్ క్రికెట్ అసోసియేషన్ రంగం సిద్ధం చేసుకుంది. ఇందులో భాగంగా కరీంనగర్లోని ఉమ్మడి జిల్లాలో అండర్ 19 ప్లేయర్స్ కోసం సెలెక్షన్స్ ఈ నెల 14వ తేదీన నిర్వహించగా దాదాపు 300 మంది క్రికెటర్లు పాల్గొన్నారు. అందులో నుంచి 90 మందిని ఎంపిక చేశామన్నారు. జిల్లాకు ఒక టోర్నమెంట్ నిర్వహించి అందులో ప్రతిభను కనబరిచిన క్రీడాకారులను కరీంనగర్ జిల్లా అండర్ 19 క్రికెట్ సెలెక్ట్ చేస్తామని, కరీంనగర్ జిల్లా క్రికెట్ అసోసియేషన్ సెక్రెటరీ మురళీధర్ రావు లోకల్ 18 కు తెలిపారు. ఎక్కువగా ఉమ్మడి కరీంనగర్ జిల్లా నుంచి, మారుమూల గ్రామాల పిల్లలు చాలా ప్రతిభను కనబరుస్తున్నారని వీరికి మంచి ప్రోత్సాహాన్ని కలిగించి అంతర్జాతీయ క్రికెటర్గా తయారు చేయడమే మా లక్ష్యం అని వివరించారు.
అండర్ 19 లో ఆడిన వ్యక్తులకు ఇప్పటికే ఐపీఎల్ లాంటి క్రికెట్లో ఆడే ఛాన్స్ రావడంతో అక్కడ రాణించిన వారికి అంతర్జాతీయ క్రికెట్లో అడుగు పెడుతున్నారు. దాంతో కోట్ల రూపాయలు కూడా సంపాదించుకొని జీవితంలో సెటిల్ అవుతున్నారు. కాబట్టి క్రికెట్ అనేది మంచి గేమ్. ఒక్కసారి ఇందులో రాణించామంటే జీవితంలో సెట్ అయిపోయినట్టే అని క్రికెట్ కోచ్లు కూడా అంటున్నారు.
మారుమూల ప్రాంతాల్లో చాలామంది పిల్లలు ఎక్కువ క్రికెట్ ఆడతారు. కానీ వారికి సరైన ప్రోత్సాహం లేక జిల్లా స్థాయిలో గానీ రాష్ట్ర స్థాయిలో గానీ రాణించలేకపోతున్నారు. కాబట్టి అలాంటి వారి కోసమే హైదరాబాద్ క్రికెట్ అసోసియేషన్ ఆధ్వర్యంలో ప్రతి సంవత్సరం జూన్ జూలై మాసంలో క్రికెట్ సెలెక్షన్స్ చేసి సెలెక్ట్ అయిన పిల్లలకు మరింత నైపుణ్యం కలిగించి దేశ, విదేశాలలో క్రికెట్ ఆడించేందుకు హెచ్సీఏ ఎప్పుడూ ముందుంటుందన్నారు. ఈ అవకాశాన్ని ప్రతి ఒక్కరు సద్వినియోగం చేసుకోవాలని సూచించారు.
తెలంగాణలోని ముఖ్యమైన వార్తలు, లేటెస్ట్ న్యూస్, స్థానిక వార్తలు, ప్రభుత్వ పథకాలు, ప్రభుత్వ ప్రకటనలు, అన్ని రాజకీయ పార్టీలకు సంబంధించిన స్టోరీలను న్యూస్18 తెలుగు తెలంగాణ కేటగిరీలో చదవండి. మరిన్ని వార్తల కోసం న్యూస్ 18 తెలుగు ఫాలో అవండి.
కరీంనగర్, తెలంగాణ
జూన్ 21, 2025 11:03 AM
