500 ఏళ్ల చరిత్ర గల ఉమా సంగమేశ్వర దేవస్థానం ఇది | This is the Uma Sangameshwara Temple which has a history of 500 years

ఈ దేవస్థానానికి “సంగమేశ్వర” అనే పేరుతో పాటు, ఇక్కడ వెలసిన ఉమాదేవి వలన “ఉమా సంగమేశ్వర దేవాలయం” అనే పేరూ స్థిరమైంది. ఒకానొక కాలంలో ఈ దేవాలయం “కొప్పోల్ సంగమేశ్వర దేవాలయం”గా ప్రసిద్ధి చెందింది. కానీ నిజాం సాగర్ ప్రాజెక్టు నిర్మాణ సమయంలో పాత గ్రామం మునిగిపోవడంతో, దేవాలయాన్ని కొత్తపేట గ్రామ శివారులో తిరిగి నిర్మించారు. ప్రస్తుతం ఇది భక్తుల నిత్య దర్శన క్షేత్రంగా మారింది.

ప్రతి సోమవారం హైదరాబాద్, నారాయణఖేడ్, కర్ణాటక ప్రాంతాల నుంచి పెద్ద సంఖ్యలో భక్తులు ఈ ఆలయాన్ని సందర్శిస్తున్నారు. వారి నమ్మకం ప్రకారం, ఈ స్వయంభూ శివలింగ దర్శనంతో కోరికలు తీరతాయని, పిల్లల కోసం కోరుకునేవారికి, పెళ్లిళ్ల కోసం ప్రార్థించేవారికి మనసు తీరుతుందని విశ్వాసం. ఆలయ పరిధిలో ఇటీవలే నిర్మించిన హనుమాన్ ఆలయం, శని దేవాలయం, రేణుక ఎల్లమ్మ ఆలయం, మదానంద స్వామి మఠం వంటివి కూడా భక్తుల ఆకర్షణగా నిలుస్తున్నాయి.

ఇలా ఒకే ప్రాంగణంలో ఐదు దేవాలయాలు ఉండటంతో భక్తులు ఇవన్నింటినీ దర్శించుకుని, స్వయంభూ శివలింగాన్ని దర్శించడాన్ని అదృష్టంగా భావిస్తున్నారు. ఇక్కడి భక్తులు చెబుతున్నట్టు, ఇలాంటి స్వయంభూ శివలింగాన్ని, అంతగా పవిత్రత కలిగిన ప్రదేశాన్ని వేరే ఎక్కడా చూడలేమని వారు గర్వంగా చెబుతున్నారు. ఉమా సంగమేశ్వర దేవస్థానం, భక్తికి ప్రతీకగా, శివ మహిమకు జ్ఞాపకంగా నిలుస్తున్న ఆధ్యాత్మిక క్షేత్రంగా ప్రజల హృదయాల్లో పదిలమై ఉంది.