సింహాచలం శ్రీ సీతారాముల కళ్యాణం.. శ్రీరామనవమి ఉత్సవం 6వ తేదీ. Sitarama Kalyanam at Simhachalam Temple on Sri Rama Navami

శ్రీ స్వామివారి గంగ ధార వద్ద వేంచేసియున్న శ్రీ కోదండ రామాలయం లోను పశ్చిమ రాజగోపురం వద్ద ఉన్న శ్రీ కాశీ విశ్వేశ్వర ఆలయం వద్ద శ్రీ సీతారాముల కళ్యాణం ఉదయం 10గంటల 30 నుండి నిర్వహిస్తున్నట్లు తెలిపారు. సింహాచలం దేవస్థానం ఆధ్వర్యంలో నిర్వహిస్తున్న శ్రీరామనవమి శ్రీ సీతారాముల కళ్యాణం ఉత్సవాలకు భక్తులు పాల్గొనాలని కోరారు.

అప్పన్న స్వామి దర్శనం వేళల్లో మార్పులు: నెల 8వ తేదీ సింహాద్రి అప్పన్న స్వామి ఈ వార్షిక తిరు కల్యాణ మహోత్సవాన్ని పురస్కరించుకుని 7వ తేదీ నుంచి 24వరకు దర్శన వేళల్లో మార్పులు చేశారు. ఆ రోజుల్లో ఆర్జిత సేవలు ఉండవని ఆలయ స్థానాచార్యులు టి.పి.రాజగోపాల్ తెలిపారు. 7వ తేదీ నుంచి 14వరకు సుప్రభాత సేవ, ఉదయం, రాత్రి ఆరాధన సేవల్లో భక్తుల భాగస్వామ్యం ఉండదన్నారు. అలాగే రాత్రి 7గంటల తర్వాత భక్తులకు దర్శనాలు లభిస్తున్నాయని తెలిపారు.

13వ తేదీ శ్రీపుష్పయాగం సందర్భంగా సాయంత్రం 6గంటలకు దర్శనాలు నిలిపివేస్తామన్నారు. ఆలయంలో ఉదయం పూట విశేష హోమాలు జరిగే నేపథ్యంలో ఆయా రోజుల్లో 7.30గంటల నుంచి దర్శనాలు ఆరంభమవుతాయన్నారు. 10వ తేదీన పండిత సదస్యం సందర్భంగా ఉదయం 8గంటల తర్వాత సర్వ దర్శనాలు ప్రారంభమవుతాయన్నారు. ప్రతి ఒక్క భక్తులు ఈ విషయాన్ని గమనించి దర్శనలకు రావాలని తెలిపారు. ఈ నెలలో ప్రత్యేక రోజులు ఉండడంతో ఇటువంటి అంతరాయం ఉందని తెలిపారు. స్వామివారిని దర్శించి ఆశీస్సులు తీసుకోవాలని తెలిపారు.